Веројатно често се искусиле непријатен момент кога наидувате на количка оставена среде паркинг, а дури и надвор од објектот, оставена на милост и немилост. Можеби некогаш и самите не сте биле во можност да ја вратите количката, а научниците велат дека имаат објаснување за оваа девијантна појава на некултура.
Scientific American ги подели клиентите во различни категории кога станува збор за користење колички за пазарење. Можеби никогаш не сте размислувале премногу за ова, но има многу клиенти кои никогаш не ја враќаат количката на своето место, а научниците тврдат дека имаат неколку причини за тоа.
Има и такви кои тоа го прават само од мрзеливост - затоа што просторот за количките е предалеку од автомобилот и сега, кога веќе ги складирале намирниците во багажникот, не би сакале да пешачат и да ја вратат количката. Некои, дополнително, се правдаат дека не можат да остават дете во автомобил без надзор, а немаат нерви да одат со него и да ја вратат количката.
Во втората категорија се оние кои мислат дека тоа е работа на работниците во продавницата и оние кои оставаат колички каде било затоа што сметаат дека некој нареден муштерија за брзо ќе се послужи, па нема да стојат вечно на место кое не е наменето за нив.
По нив се „повратниците кои се во можност“, а тоа се оние кои паркираат многу блиску до местото за складирање колички, па не им е проблем да направат неколку чекори и да ги вратат.
„Повратници под притисок“ се оние кои ги враќаат затоа што во спротивно се чувствуваат виновни и „повратниците водени од деца“ - оние чии деца сакаат што подолго да се возат во количка.
Секако, постои и категорија на таканаречени „повратници“ кои секогаш ја враќаат количката на своето место, без разлика дали се со дете или паркирани далеку.
Едно истражување од 2008 година на научниците им покажа дека однесувањето на поединецот е под влијание на околината. Таа теорија важи за тешки криминални дела, но и за ситни навики како оваа. Луѓето сѐ повеќе склони да се однесуваат како маса, дури и ако оние кои влијаат на одлуките не се присутни. Многу луѓе ги прифаќаат општествените норми и го прават она што мислат дека е најдобро за секого, но научниците се согласуваат дека сè уште има такви кои го прават тоа затоа што едноставно им недостасува домашно воспитување.
Повеќето продавници пронајдоа начин да спречат оставање на колички на паркинзите и во близина на продавницата и тоа преку наплата на количките - мора да вметнете паричка за да можете да ги отклучите, а паричката ќе ви биде вратена при враќањето.
