Можеби некогаш сте приметиле дека пилотите на авионите и на хеликоптерите седат на различни страни во кокпитот. Има причина зошто е тоа така.
Најверојатно никогаш не сте влегле во кокпит на авион. Но, благодарение на филмовите, сигурно сте приметиле дека пилотот секогаш седи на левата страна, додека копилотот, или прв помошник, е секогаш десно.
Кај хеликоптерите е обратно: пилотот седи на десната страна, иако има хеликоптери во кои се користи и левата страна, како во авионите.
И левата и десната страна во авионите ги имаат подеднакво истите способности за летање на авионот. Воедно, копилотите се подеднакво подучени за летање како и пилотите, разликата е само во чинот. Причината зошто пилотот секогаш седи на левата страна е веројатно историска.
Кај хеликоптерите тоа не е случај. Не може да се управува леталото од било кој страна. Обично управувачот е десно, па затоа и пилотот седи на десната страна.
