Рибата е богата со омега-3 масни киселини, витамини, железо, цинк, протеини и многу други хранливи материи, кои во голема мерка ги подобруваат нашето здравје и позитивно влијаат на организмот.
Но, секоја риба не е подеднакво здрава бидејќи секоја не содржи еднаков број хранливи материи. Доколку сакате на семејството да му приредите здрав и вкусен ручек, рибата дефинитивно треба почесто да се наоѓа на вашето мени, дури и кога не станува збор за пост.
Секогаш трудете се да ја подготвите со што помалку масло. Рибата е најздрава кога се подготвува во вода, односно кога се вари.
Сардините, иако се мали, содржат голема количина омега-3 масни киселини, дури и кога станува збор за конзервирана риба. Одличен извор се на витамин Б12, минерали и калциум кој се содржи во меките коски.
Туната е добар извор на омега-3, витамини Д и Б12, но и на јод и селен. Со оглед на тоа што е поголема риба, важно е да внимавате колку често јадете, бидејќи не треба да се претерува.
Многу е важно туната што ја подготвувате сами да биде добро обработена. Нешто поздраво решение од вообичаените сендвичи со туна или паштета е туна во состав на салата.
Освен што е премногу вкусен, лососот е и многу здрав. Со јадење лосос во организмот внесувате голема количина омега-3, витамин Д3, протеини, витамин Б12. Дивите лососи, купени кај рибар, имаат повеќе хранливи материи од одгледуваните.
Скушата е одличен извор на омега-3, витамини Б12 и Д. Помасни се од туната, а многу вкусни. Скушата за многумина е најдобра кога е приготвена на скара, а од неа може да се подготви и здрава варијанта на паштета.
