Совршен десерт за крај на напорниот ден.
Потребни состојки за кората:
-6 јајца
-6 лажици шеќер
-6 лажици брашно
Фил:
-200 мл слатка павлака
-200 г бело чоколадо
-1 лажичка инстант кафе
-100 г путер
-50 г шеќер во прав
Чоколадна глазура:
-150 г чоколадо
-4 лажици масло
Начин на подготовка:
Изматете цврст шлаг од белките. Посебно изматете ги жолчките со шеќерот. Полека додавајте брашно, а потоа внимателно во смесата вмешајте го шлагот од белки. Мешајте полека, со лажица.
Плехот за печење обложете го со мрсна хартија за печење. Ставете ја смесата и испечете ја кората на умерена температура. Додека е уште топла ставете ја на влажна крпа и завиткајте како ролат.
Слатката павлака ставете ја во тенџере и стоплете ја, тргнете од шпорет пред да зоврие. Веднаш додадете лажичка инстант кафе и вело чоколадо, па мешајте додека чоколадото не се стопи. Оставете да се олади.
Посебно изматете ги путерот и шеќерот во прав, а потоа спојте ја смесата со кремот од слатка павлака. Матете неколку минути додека кремот не зацврсти.
Одмотајте ја кората и намачкајте со кремот, па повторно замотајте како ролат. Премачкајте со чоколадната глазура која ќе ја подготвите така што на пареа ќе ги стопите чоколадото со маслото, а кога ќе се олади ќе го премачкате ролатот.