Празнувањето на Сатурналија (Saturnalia) почнувало на 17 декември и кулминирало на 23. Според многумина, со раширувањето на христијанството Сатурналија била заменета со Божик.
Сатурналиите биле древен римски фестивал во чест на богот Сатурн. Првично се празнувало на 17 декември, потоа празнувањето било продолжено до 21 за да ја опфаќа и краткоденицата, а подоцна свеченостите биле дополнети со уште два дена и кулминирале на 23 декември.
Се прославувало се принесување жртви во храмот на Сатурн кај римскиот Форум, јавни гозби на кои луѓето си разменувале подароци, забави и карневалска атмосфера. За време на сатурналиските карневали престанувале да важат римските друштвени норми: коцкањето било дозволено, а господарите ги послужувале своите робови. Се организирале и гладијаторски борби, а убиените гладијатори биде сметани како принесување жртви на Сатурн.
Иако бил најпопуларен римски празник, не е пронајден ниту еден антички извор каде детално се опишува Сатурналијата. Информациите со кои денес располагаме се составени од неколку различни извори кои се надополнуваат еден со друг.
Во рамките на домот на едно просечно римско семејство празникот започнувал со принесување на жртва на Сатурн преку колење на прасе. По гозбата, роднините и пријателите си подарувале подароци како восочни свеќи (cerei), симбол на зимската краткоденица (bruma) и тестенини или теракотни фигурини (sigillaria) посветени на богот Сатурн.
Римските граѓани за време на Сатурналиите се поздравувале со Io Saturnalia! Не се знае како точно се изговарал извикот Io - или бил со две согласки како „Ио“ со кратко И и долго О, или бил едноставно „Јо“.
За повеќето Римјани Сатурналија бил најубавиот период во годината, барем така сведочи поетот Гај Валериј Карул кој живеел во доцниот период на Римската Република, во последниот век пред новата ера.
Со раширувањето на христијанството во Рим, Сатурналија полека заминувала во заборав, а на нејзино место никнал нов празник - Божик, во чие празнување веројатно се кријат многу елементи на старата Сатурналија.
Сатурналијата денес се одбележува ширум светот обично од страна на студентите по латински јазик и римска култура.