Рибар остана во шок откако помисли дека уловил риба, но наместо тоа на јадицата се фати голем крокодил.
Џим Фалкенберг од Таунсвил во Квинсленд пред неколку дена доживеа непријатно изненадување кога од водата како улов излезе џиновски крокодил.
„Се сопнав и за малку ќе паднев, поради што срцето почна да ми чука побрзо“, изјави Фолкенберг за Daily Mail.
Вели дека крокодилот бил долг околу 3 метри, а веројатно ја проголтал рибата што се фатила за мамката. По борбата, којашто траела околу еден час, тој успеал да се ослободи од крокодилот.
Дел од борбата успеа и да ја сними.
„Фала му на Господ, готово е. Ми треба пиво. Ми треба масажа. Ми треба пауза“, се слуша како зборува во снимката којашто предизвика најразлични реакции на социјалните мрежи.
