Иако Honor допрва треба да го објави Magic Vs, познатиот јутјубер Зек Нелсон веќе имаше можност да го расклопи новиот уред.
Иако се на пазарот со години, телефоните на преклоп сè уште привлекуваат љубопитни погледи поради нивниот футуристички дизајн кој се чини дека им пркоси на вообичаените закони на физиката, а еден таков уред ќе биде претставен од компанијата Honor на 27 февруари во Барселона.
За време на настанот MWC, за прв пат ќе имаме можност да го фатиме во рака новиот Honor Magic Vs, но дотогаш можноста да го видиме овој уред ни ја пружи познатиот јутјубер Зек Нелсон, на многумина попознат како JerryRigEverything.
На својот канал, Нелсон го расклопи најновиот флегшип телефон на преклоп, давајќи ни увид не само во отпакувањето и дизајнот на самиот уред, туку и во внатрешноста, односно компонентите што го сочинуваат Honor Magic Vs - пред официјалната премиера.
На оние кои уживаат да пронаоѓаат детали сигурно ќе им се допадне видеото на Нелсон, бидејќи, меѓу другото, може да се забележат и спецификациите на батеријата - со капацитет од 5.000 mAh, како и дизајнот на новата шарка.
Користејќи ја технологијата на едноделно лиење, Honor разви исклучително лесна шарка без запчаник, драстично намалувајќи го бројот на употребени структурни компоненти - од 92 на само 4.
Шарките се направени од специјален полимерен материјал кој е 62% полесен од обичните метали и се користи во вселенските технологии.
Благодарение на дополнителниот простор што го обезбедува помалата шарка, Honor Magic Vs се превиткува без празнина, а компанијата исто така го искористи овој простор за да го зголеми капацитетот на батеријата до гореспоменатите 5.000 mAh, што е најголемиот капацитет досега виден на паметен телефон на преклоп.