За првпат од 2008 година Бритни Спирс нема да биде под надзор на нејзиниот татко, одлучи судот во Лос Анџелес.
Судијката Бренда Пени нареди Џејми Спирс веднаш да биде суспендиран од конзерваторскиот надзор над имотот на пејачката, пренесоа американските медиуми. Како привремен конзерватор на имотот, вреден 60 милиони долари, е назначен Џон Зејбл, овластен јавен сметководител.
Адвокатот на Бритни, Метју Росенгарт побара рочиште на кое во целостт би се укинал договорот за старателство во рок од 30 до 45 дена. Повика и на истрага за однесувањето на Џејми Спирс во текот на траењето на старателството и го доведе во прашање неговото управување со имотот на пејачката.
Одлуката на судот наиде на одушевување меѓу фановите на пејачката, кои се собраа пред зградата да и дадат поддршка.
Во последните 13 години Бритни беше под надзор на нејзиниот татко, спречена да носи одлуки за личниот живот. Сите одлуки наместо во нејзино име ги носеа нејзиниот татко и адвокатот Ендру Волет.
Одлуката беше донесена откако во 2008 година Бритни доживеа тежок психички слом во јавност.
