Македонскиот атлетичар на долги патеки, Дарио Ивановски, постави нов национален рекорд во полумаратон на Европското првенство кое се одржува во италијанската престолнина.
![](/sites/default/files/styles/article_image_xxl/public/2024-06/%D0%98%D0%B2%D0%B0%D0%BD%D0%BE%D0%B2%D1%81%D0%BA%D0%B8-%D0%A0%D0%B8%D0%BC.jpg?itok=3D_mZjWw)
Полумаратонот во Рим, Ивановски го заврши со време од 1:04.01 часа, што е за 44 секунди подбро од неговиот претходен рекорд.
Трката Ивановски ја заврши на 29. место во конкуренција на 64 натпреварувачи.
Златниот медал, со нов рекорд на европските првенства (1:01.03 часа) го освои домашниот натпреварувач, Јеманеберхан Крипа. Тој во драматичен финиш за една секунда го победи сонародникот Пјетро Рива,а трет беше Германецот Аманал Петрос со 4 секунди послаб резултат од победникот.