ASUS го претстави ROG Ally X новиот рачен гејминг компјутер

Тајванската компанија ASUS официјално го претстави ROG Ally X, својот најнов рачен компјутер за игрици.

Уште на почетокот треба да се каже дека не е наследник на минатогодишниот модел ROG Ally, туку всушност поскапа верзија која носи подобрувања кои ги „поправаат“ недостатоците на оригиналниот модел.

За почеток, најголемото подобрување е поголема батерија. ASUS се префрли од батерија од 40 Wh што се користи во ROG Allly на батерија од 80 Wh вградена во новиот модел. Сè уште нема информации за траењето на батеријата, но нема да биде чудо ако може да трае двојно повеќе.

Remote video URL

Исто така, ROG Ally X доаѓа со 1 TB PCIe NBME SSD меморија во споредба со 512 GB на оригиналниот модел. Исто така, станува збор за дискови со вообичена големина M.2 2280, кои би требало да ја направат надградбата поевтина и полесна. Дополнително, Ally X доби 24 GB од 7500 Mhz LPDDR5 RAM, повеќе од претходните 16 GB од 6400 MHz LPDDR5 RAM меморија. Ова значи дека графичкиот процесор може да користи повеќе меморија без да се „бори“ за тоа со оперативниот систем и другите апликации.

ASUS направи неколку измени и во внатрешниот систем за ладење. ROG Ally X користи нови вентилатори, кои се потенки, но и 10% поефикасни кога станува збор за протокот на воздух. Новиот дизајн исто така го турка воздухот кон екранот и го лади за време на играњето. Компанијата го премести слотот за microSD, кој порано знаеше да се расипе на оригиналниот модел поради неговата близина до издувниот отвор.

Куќиштето исто така е редизајнирано, иако на прв поглед може да изгледа доста слично. Доби понежни кривини во споредба со поострите агли на оригиналот, а рачките се подлабоки за побезбедно и поудобно држење. Променета е и положбата на џојстикот, а за полесна традиција се прилагодени и контролите. Исто така, џојстиците се надградени за да обезбедат подобри повратни информации и да имаат подолг животен век. D-pad е редизајниран и сега е помалку „леплив“ при вршење на кружни движења. Сензорот за отпечатоци е на врвот и е „засечен“ за полесно да се најде. Конечно, копчињата за назад се смалени за да се избегнат случајни притискања.

Во однос на поврзувањето, ROG Ally X ја замени комбинацијата USB-C + ROG XG Mobile Interface конектор за две USB-C порти, од кои едната е Thunderbolt 4, а другата USB 3.2 Gen 2. Конечно, цената на овие промени е зголемување на тежината за 69 грама на вкупно 678 грама.

Она што не е променето е Ryzen Z1 Extreme процесорот, како и 7-инчниот IPS LCD екран со резолуција од 1.080p и стапка на освежување од 120Hz со технологијата AMD FreeSync Premium. Звучниците се исти, како и безжичното поврзување. Пакетот вклучува и полнач од 65 W, а софтверот е надграден со нова верзија на ASUS Amoury Crate SE (која доаѓа и на оригиналниот модел), но сепак се користи Windows 11 Home.

Генерално, ROG Ally X се чувствува како голем чекор напред од првиот и покрај тоа што не е вистински наследник. Преднарачки веќе се примаат, а ROG Ally X доаѓа во црна боја за само 799 долари со тримесечна претплата на Game Pass.

Тагови
реклама

Пијте го пред спиење: Напиток што го намалува шеќерот и помага при слабеење

Read more

Зошто на ЕУРО нема натпревар за 3. место? УЕФА даде објаснување

Read more

Почна сезоната на храна што го намалува ризикот од катаракта и до 43%

Read more

Трик за разладување на домот и обезбедување пријатен сон

Read more

Гејминг

Xbox прибегна кон „хорор стратегија“

Read more

Се збогатија играјќи игрици - колку заработуваат најуспешните еспортисти?

Read more

Nintendo објави војна на пиратеријата, тужи две компании одеднаш

Read more

Ubisoft потврди дека работи на римејк на старите игрици Assassin's Creed

Read more
 

Гик

  • play_arrow

Xbox прибегна кон „хорор стратегија“

Читај повеќе
  • filter

Пиењето во авион има уникатен ефект врз телото

Читај повеќе
  • filter

Како се формираат фосилите? 7 неверојатни примери

Читај повеќе

Популарната апликација постара од Windows доби значително подобрување по над 40 години

Читај повеќе
  • play_arrow
  • filter

Неистражени длабочини: 10 нерешени океански мистерии

Читај повеќе
  • filter

10 јули 1856 – роден е научникот Никола Тесла

Читај повеќе
  • play_arrow

Новата европска ракета Ariane 6 лансирана во вселената

Читај повеќе

Дали вирусите во древните египетски мумии може да предизвикаат „чума“ денес?

Читај повеќе

Пробиени 10 милијарди лозинки: Дали вашата е меѓу нив?

Читај повеќе