Кошаркарите на Далас Маверикс успеаја да ја постигнат првата победа во финалната серија од НБА лигата, откако ноќеска на домашен паркет го декласираа Бостон Селтикс со 122:84.
Така Далас ја продолжи финалната серија барем за уште еден натпревар, бидејќи ја намали предноста на Бостон, кој веќе сите го гледаат како нов шампион, на 3:1.
Од почетокот овој натпревар одеше во еден правец и Далас доминираше на паркетот, водеше со 34:21 по првата четвртина, а на полувреме беа огромни 61:35.
WHAT A 1ST HALF FROM LUKA DONCIC 🔥
— NBA (@NBA) June 15, 2024
25 points, 4 assists and a 61-35 Mavs lead.
🏆 Game 4 on ABC 🏆 pic.twitter.com/YtZDjHDlKn
Бостон тогаш како да се откажа и реши да се чува за следниот меч на домашен терен, каде ќе сака да ја потврди титулата шампион во НБА, за која му е потребна само една победа.
Feed the 🔥 hand pic.twitter.com/jObbcZdaQK
— Dallas Mavericks (@dallasmavs) June 15, 2024
Четвртиот натпревар заврши 122:84 за Далас, предводен од Лука Дончиќ со 29 поени, 5 скока и 5 асистенции, а Кајри Ирвинг постигна 21 поен со 4 скока и 6 асистенции.
Кај Бостон помалку лош од останатите беше Џејсон Тејтум со 15 поени, а Сем Хаузер постигна 14.
Следниот натпревар во Бостон се игра ноќта од понеделник кон вторник од 2:30 часот. Директен пренос за територијата на Македонија ќе врши Arena Premium 1.
